Russiýanyň Astrahan oblasty bilen Türkmenbaşy portunyň arasynda parom gatnawlary täzeden ýola goýlar. Bu barada Astrahan oblastynyň gubernatory Igor Babuşkin “Russiýa” atly halkara sergi-forumynda TASS habarlar gullugyna beren beýanatynda belläp geçdi.
– Biz Hazarýaka döwletleriniň maýadarlaryny çekmek ugrunda tagalla edýäris. Häzirki wagtda “Lotos” ýörite ykdysady zolakda Eýranyň “Roza” kompaniýasy önümçiligini ýola gomagy meýilleşdirýär we 2024-nji ýylda hojalyk harytlaryny öndürip başlar. Türkmenistan bilen parom gatnawlaryny täzeden ýola goýmak babatda ylalaşdyk. Ýörite ykdysady zolakda Türkmenistanyň logistika merkezi bar – diýip, Babuşkin belledi.
Şeýle hem ol Hazarýaka döwletleri bilen Astrahanyň gämigurluşyk zawodlarynda gämileriň gurluşygy boýunça sargytlary kabul etmek babatda gepleşikleriň geçirilýändigini belläp, bilelikdäki medeni-ynsanperwer hem-de bilim ulgamyndaky gatnaşyklarymyzyň hem uly mümkinçilikleriň bardygyny mälim etdi.
– Biziň Astrahandaky uniwersitetlerinde Hazarýaka döwletlerinden 3 müňden gowrak talyp bilim alýar. Hazarýaka hyzmatdaşlygynyň çäklerinde medeni we sport çärelerini gurnaýarys – diýip, gubernator belläp geçdi.