Aziýanyň Futbol Konfederasiýasynyň iň uly ýaryşy bolan Çempionlar ligasynyň toparçalardaky duşuşyklarynyň 4-nji tapgyryna badalga berler. Ýurdumyza wekilçilik edýän “Ahal” topary öz meýdançasynda Özbegistanyň “Pahtakor” toparyny kabul eder.
Geçen tapgyrda bu iki topar öz aralaryndaky ilkinji duşuşygyny geçirdi. Özbek topary soňky gezek 1998-nji ýylda Türkmenistanyň “Nisa” topary bilen duşuşypdy.
25 ýyldan soňra “Pahtakor” topary myhmançylykda Türkmenistanyň topary bilen duşuşar.
Türkmenistanyň öňdebaryjy toparlaryndan “Ahal” topary 4 gezek ýurdumyzyň Kubogyny we 1 gezek Naýbaşy kubogyny gazandy. Häzirki wagtda ýurduň çempionatynyň 16 tapgyrynyň netijesi boýunça 20 utuk jemläp, 5-nji orunda barýar.
“Ahal” bilen “Pahtakoryň” arasyndaky duşuşyk şu gün paýtagtymyzyň köpugurly “Aşgabat” stadionynda geçiriler. Duşuşyk sagat 19:00-da başlaýar.