Türkiýe Respublikasynyň Prezidenti Rejep Taýyp Ärdogan Wengriýanyň Premýer-ministri Wiktor Orbanyň çakylygy boýunça bu ýurtda iş saparynda boldy.
Prezident Ärdoganyň bu saparynyň çäklerinde Türkiýä üçin möhüm bolan taryhy tebigy gaz ylalaşygy gazanyldy. Ýurduň energetika we tebigy serişdeler ministri Alparslan Baýraktar ilkinji gezek serhetleşýän goňşulary bolmadyk bir ýurda tebigy gaz eksport etmek babatda ylalaşylandygyny mälim etdi.
Ministriň habar bermegine görä, Türkiýäniň “BOTAŞ” edarasy bilen Wengriýanyň “MVM” kompaniýasynyň arasynda tebigy gaz şertnamasyna gol çekildi. Şeýlelikde, Türkiýe Respublikasy ilkinji gezek serhetleşýän goňşusy bolmadyk Ýewropa ýurduna tebigy gaz eksport eder.