Binalaryň dünýä ýalkymyn saçýar,
Arkadag şäherim, bagt şäherim.
Myhmanlara giňden gujagyn açýar,
Arkadag şäherim, bagt şäherim.
Görmäne göz gerek gözel görkiňi,
Behişden alypsyň ajap durkuňy,
Ak bagt sen, haýran edýäň her kimi,
Arkadag şäherim, bagt şäherim.
Seýil etseň hezil mesan mesana,
Taý gelersiň kitap kitap dessana,
Näçe ýazsam azdyr saňa waspnama,
Arkadag şäherim, bagt şäherim
Akylly jaýlaryň haýrana goýýar,
Şahyrlar waspyňy äleme ýaýýar,
Seni gören özin jennetde saýýar,
Arkadag şäherim, bagt şäherim.
Arkadaga, prezdente alkyş bar,
Bagtyýar ýurduma uly ösiş ýar,
Elmydam goýnuňda ýaňlansyn dutar,
Arkadag şäherim, gözel şäherim.
Öwezgeldi Ataýew
Magtymguly adyndaky
TDU- nyň hukuk fakultetiniň talyby