Saud Arabystan Patyşalygyna saparynyň dowamynda türkmen halkynyň Milli Lideri Gurbanguly Berdimuhamedow Yslam Ösüş bankynyň Prezidenti Ahmed Mohammed Ali Al Madani bilen ýokary derejede gepleşik geçirdi.
Gürrüňdeşlikde Türkmenistanyň ykdysady ulgamda Yslam Ösüş banky bilen netijeli hyzmatdaşlygy alyp barýandygy bellenildi. Şeýle-de umumadamzat ähmiýetli taslamalary durmuşa geçirmek boýunça maýa goýum hyzmatdaşlygynda bilelikde işleri ýerine ýetirmek babatda içgin pikir alyşmalar boldy.
Yslam Ösüş bankynyň Prezidenti häzirki wagtda döwlet Baştutanymyz Serdar Berdimuhamedow tarapyndan ýurdumyzyň ykdysady ösüşinde örän uly sepgitleriň gazanylýandygyny aýratyn belledi we ýakyndan aragatnaşyk saklamaga hemişe taýýardygyny aýtdy. Milli Liderimiz bank ulgamynda gatnaşyklaryň geriminiň giňeldilmegine ünsi çekip, bu ugurda Yslam Ösüş banky bilen bilelikde degişli işleriň geçiriljekdigini belledi.
Duşuşygyň dowamynda Gahryman Arkadagymyz golaýda özüniň ýazyp tamamlan we çapdan çykan «Ömrümiň manysynyň dowamaty» atly täze kitabyny hem-de Arkadag şäheriniň açylyşy bilen bagly neşir edilen «Arkadag şäheri – geljegiň şäheri» atly kitaby Yslam Ösüş bankynyň Prezidentine sowgat berdi.
Türkmenistanyň Halk Maslahatynyň Başlygy Yslam Ösüş bankynyň Prezidenti bilen duşuşdy
