Şu gün, 11-nji iýunda Merkezi Aziýanyň futbol Assosiasiýasynyň halkara ýaryşynda “A” toparçanyň duşuşyklary geçirildi.
Bu ýaryşda çykyş edýän Türkmenistanyň milli ýygyndysy «CAFA Nations Cup-2023» halkara ýaryşyndaky ilkinji duşuşygyny Täjigistanyň milli ýygyndysynyň garşysyna geçirdi.
Bu duşuşyk Daşkendiň “Pahtakor” stadionynda geçirilip, duşuşyk 1:1 hasabynda deňme-deň tamamlandy.
Türkmenistanyň milli ýygyndysy 1:0 hasabynda ýeňip barýandygyna garamazdan, duşuşygyň soňky minutlarynda öz derwezesinden gol geçirdip, ýeňiş gazanmak mümkinçiligini giderdi.
Duşuşygyň 57-nji minutynda Myrat Annaýew Türkmenistanyň milli ýygyndysyny öňe geçirdi. 86-njy minutda täjik futbolçysy Nuriddin Hamrokulow hasaby deňledi.