Türkmenistan bilen Keniýa Respublikasynyň arasynda diplomatik gatnaşyklaryň ýola goýulmagyna bagyşlanyp, bilelikdäki beýannama gol çekmek dabarasy geçirildi. Bu barada Türkmenistanyň BMG-niň ýanyndaky hemişelik wekilligi habar berýär.
Gol çekmek dabarasy 2023-nji ýylyň 14-nji martynda Nýu-Ýork şäherinde Türkmenistanyň BMG-niň ýanyndaky hemişelik welikhanasynda geçirildi.
Dabarada Türkmenistanyň BMG-niň ýanyndaky hemişelik wekili, Adatdan daşary we Doly ygtyýarly ilçi Aksoltan Ataýewa hem-de Keniýa Respublikasynyň BMG-niň ýanyndaky hemişelik wekili, Adatdan daşary we Doly ygtyýarly ilçi Martin Kimani çykyş etdiler. Olar öz çykyşynda iki ýurduň arasyndaky gatnaşyklary pugtalandyrmak, şeýle hem ikitaraplaýyn syýasy, ykdysady, medeni hyzmatdaşlygy hem-de halkara guramalaryň çäklerinde gatnaşyklary berkitmek üçin özara gyzyklanmalaryň bardygyny bellediler.
Şeýle hem taraplar ikitaraplaýyn we köptaraplaýyn hyzmatdaşlygy ösdürmegiň meseleleri barada pikir alşyp, Türkmenistanyň we Keniýa Respublikasynyň BMG-niň gün tertibindäki meseleler boýunça bähbitlerini ara alyp maslahatlaşdylar.