Hytaý Halk Respublikasynyň Başlygy Si Szinpin bu ýokary döwlet wezipesine gaýtadan saýlandy we täze döwürde ýurduň hökmüet düzümi hem täzelendi.
Ýurduň Ählihytaý halk wekilleriniň 14-nji çagyrylyşynyň 1-nji mejlisinde Hytaý Halk Respublikasynyň Döwlet Geňeşiniň täze agzalary (hökümet düzümi) tassyklandy.
Ozal hem habar berşimiz ýaly, Li Sýan HHR-iň Döwlet Geňeşiniň Premýeri wezipesine saýlandy. Şol bir wagtda 26 ministrligiň, döwlet komitetleriniň we beýleki pudak edaralarynyň ýolbaşçylary tassyklandy. Ýolbaşçy düzüminiň aglabasy öňküligine galdy, diňe 2 ugurda ýolbaşçy täzelendi. Ol hem Lu Şanfu goranmak ministri, Çžen Şansze bolsa ösüş we özgertmeler boýunça döwlet komitetiniň başlygy boldy.
HHR-iň Döwlet Geňeşiniň Premýeri Li Sýana täze orunbasarlar bellendi. Wise-premýer wezipelerine Din Sýuesýan, He Lifen, Çžan Gosin we Lýu Goýžun saýlandy.
Döwlet Geňeşiniň agzalygyna goranmak ministri Li Şanfu, jemgyýetçilik howpsuzlyk ministri Wan Sýaohun, hökümet sekretariatynyň başlygy U Çženlun, daşary işler ministri Sin Gan we Şen Isin saýlandy.