UEFA-nyň Çempionlar ligasynyň 1/8 finalynyň jogap duşuşyklary geçirildi. Germaniýanyň “Borussiýa Dortmund” toparyndan 1:0 hasabynda ýeňlen Angliýanyň “Çelsi” topary öz meýdançasynda bu nemes toparyny 2:0 hasabynda utup, çärýek finala çykdy.
Iňlis toparynyň düzüminde Rahim Sterling we Kaý Hawerts tapawutlandy. “Çelsi” toparynyň tälimçisi Grem Potter bir möwsümde Çempionlar ligasynda 5 duşuşykda ýeňiş gazanan 2-nji iňlis tälimçi boldy.
Çempionlar ligasynyň beýleki duşuşygynda Portugaliýanyň “Benfika” topary Belgiýanyň “Brýugge” toparyny 5:1 hasabynda utdy.
Şeýlelikde, “Çelsi” bilen “Benfika” toparlary çärýek finala çykmagy başardylar.
Şu gün 8-ji mart gijesi “Bawariýa” bilen “PSŽ”, “Tottenhem” bilen “Milan” toparlary duşuşarlar. Duşuşyklar Aşgabat wagty bilen gije 01:00-da başlaýar.