Russiýanyň “S7” awiakompaniýasy Moskwa-Türkmenbaşy ugry boýunça awiagatnawlaryň biletleriniň bahasyny 50 göterim arzanlatdy. Täze bahalar 2023-nji ýylyň ýanwar-fewral aýlary boýunça hereket eder.
“orient.tm” neşiriniň habaryna görä, rus awiakompaniýasy “Ekonom baz”, “Ekonom standart” we “Ekonom plýus” tarifleri boýunça awiabiletleri satýar.
Moskwa-Türkmenbaşy we Türkmenbaşy-Moskwa ugurlary boýunça biletleriň bahasy üýtgeýär. Bu babatda awiakompaniýanyň Aşgabat şäherindäki Atamyrat Nyýazow şaýolunyň 174-nji jaýy salgysyndaky (Türkmenistanyň Senagatçylar we telekeçiler birleşmesiniň Işewürlik merkezi) edarasyndan anyklamak bolar.
Russiýadan Türkmenistana we yzyna uçar gatnawlary duşenbe we perşenbe günleri amala aşyrylýar.