Ýaponiýa ýurda gelýän daşary ýurtly myhmanlar üçin ýene-de bir möhüm üýtgeşiklik girizdi. Şol düzgüne görä, Ýaponiýa barýan daşary ýurtly myhman koronawirus ýokanjyna garşy 3 sany sanjym alan bolsa, olardan soňky 72 sagadyň dowamynda koronawirus ýokanjy üçin test kepilnamasy talap edilmeýär. Bu barada ýurduň Premýer-ministri Fumio Kisida habar berdi.
– 3 sany sanjym alan üçin test kepilnamasy zerur däl – diýip, Fumio Kisida belläp geçdi. Ol täze düzgüniň 7-nji sentýabrda güýje girýändigini belledi. Kisidanyň bellemegine görä, ýurda gelmek üçin göz öňünde tutulýan beýleki ýeňillikler degişli ministrlikler tarapyndna ýakyn wagtda yglan ediler.
Mundan başga-da, Ýaponiýanyň Premýer-ministri Fumio Kisida ýakyn wagtda ýurda gündelik gelýän daşary ýurtly myhmanlaryň sanyny artdyrmak boýunça hem degişli çözgüdiň kabul ediljekdigini mälim etdi.
Häzirki wagtda Ýaponiýa her gün 20 müň daşary ýurtly kabul edýär. Täze çözgüt bilen bu görkeziji 50 müňe ýetiriler.
Hereket edýän düzgünlere laýyklykda, Ýaponiýa girilende ykrar edilýän sanjym sertifikatlarynyň hatarynda “Pfizer”, “Moderna”, “AstraZeneca“, “Janssen”, “Bharat Biotech” we “Novavax” ýaly kompaniýalaryň sanjymlary bardyr.