Gazagystanyň awiakompaniýalary şu ýylyň ahyryna çenli 14 sany ýolagçy uçarlaryny satyn almagy meýilleşdirýär. Bu barada ýurduň Senagat we infrastruktura ösüş ministrliginiň metbugat gullugy habar berýär.
– Şu ýylyň ahyryna çenli umumy sygymy 2,5 müň orunlyk täze howa gämilerini satyn alyp, ulanmaga bermek göz öňünde tutulýar. Hususan-da, “SCAT” awiakompanivasy 9, “Fly Arystan” awiakompnivasy 3, “Air Astana” awiakompanivasy 2 sany ucar alar – metbugat bevanatynda bellenilip gecilýär.
Metbugat beýanatynda bellenilip geçilişi ýaly, milli awiakompaniýalaryň awiaparkyna täze uçarlaryň satyn alynmagynyň ýolagçy akymynyň artmagy bilen baglanyşyklydygy bellenildi. Şu ýylyň alty aýynda gatnadylan ýolagçylaryň sany geçen ýylyň degili döwri bilen deňeşdirilende, 10 göterim artyp, 4,6 million adama ýetdi. Pandemiýadan ozalky döwür bilen deňeşdirilende bolsa, ösüş 28 göterime deň boldy.
Bu ýolagçy akymynyň tizligine ýetişmek üçin täze uçarlaryň satyn alynmagy göz öňünde tutuldy. Häzirki wagtda Gazagystanyň awiakompaniýalary 75 sany uçary ulanýar. 2025-nji ýyla çenli awia flotuň düzümine ýene-de 51 sany uçar goşular.
Türkmen ýaşlarynyň halkara olimpiadadaky uly üstünligi