Türkiýäniň abraýly ýokary okuw mekdepleriniň biri bolan Özýegin uniwersiteti tarapyndan Çagalar hukuklary ulgamynda halkara ylmy maslahat geçirildi. Hukuk ylymlarynyň doktory Döwran Orazgylyjowyň hem çykyşy bilen gatnaşan ylmy maslahata, Türkiýeden, Russiýa Federasiýasyndan, Germaniýadan, Italiýadan, Eýrandan, Azerbaýjandan, Gresiýadan, Slowakiýa Respublikasyndan, Polşadan, Fransiýadan, Kıprdan we Türkmenistandan hukukçylar gatnaşdylar. Dünýäniň dürli ýurtlaryndan gatnaşan hukukçylar öz ýurtlarynda çagalar hukugy baradaky kanunçylyk namalary barada maglumat berdiler. Bu ylmy maslahat ikinji gezek geçirilýär. Geçen ýyl hem geçirilen şeýle ylmy maslahata Türkmenistandan Dr.Orazgylyjow gatnaşypdy.
23-nji aprelde Türkiýede gutlanylýan Çagalar güni bilen mynasybetli geçirilen çäre online görnüşde köp sanly diňleýjilere ýetirildi. Türkmenistandan gatnaşan Dr.Döwran Orazgylyjow, Türkmenistan hukugynda çagalara berilýän hukuklar, ýeňillikler barada maglumatlar berdi.
