“Sony” kompaniýasy elektrikli awtoulag taslamasy üçin “Honda” şereketi bilen hyzmatdaşlyk edýändiklerini habar berdi. Ilkinji bilelikdäki awtoulagyň 2025-nji ýylda satuwa çykarylmagyna garaşylýar.
Häzirki wagtda elektrikli awtoulaglar meşhur bolansoň, köp marka bu pudaga çynlakaý maýa goýýar. Mundan başga-da, öndürijiler uglerod zyňyndylaryny nola çenli azaldyp, has arassa geljegi gurmak isleýärler.
Ýaponiýada ýerleşýän tehnologiýa ägirdi “Sony” birnäçe aý ozal ähli elektrikli “Vision-S 02” modelini hödürledi. Şereket indi “Honda” bilen hyzmatdaşlykda täze elektrik ulagy önümçilik şereketini döreder.
Bu hyzmatdaşlykdan dörän ilkinji elektrik ulagy 2025-nji ýylda peýda bolar.
Eziznepes Annaýew,
S.A.Nyýazow adyndaky Türkmen oba hojalyk uniwersitetiniñ talyby.