Höwesli gatnaşyjylar üçin bildiriş
ABŞ-da ýa-da beýleki ýurtlarda ýerleşýän ýokary okuw jaýlaryna magistratura we doktorantura okuwlaryna tabşyrmak isleýärsiňizmi? Amerikan geňeşlikleri Türkmenistanyň raýatlaryny 17 hepdelik gibrid görnüşinde geçiriljek GRE (Graduate Record Examination) maksatnamasyna gatnaşmaga çagyrýar. Maksatnama ýokary okuw jaýlarynyň magistratura (doktorantura) derejesine okuwa girmek üçin talap edilýän GRE synagyna hem-de magistratura (doktorantura) tabşyrmakdan we okuw işlerine ýokary derejedäki taýýarlykdan ybarat.
GRE maksatnamasy şulary içine alýar:
- Dowamlylygy 17 hepde (hepde günleri agşamlyk we ýekşenbe güni) bolan intensiw taýýarlyk kursy
- Bu kurs gibrid (online we ýüzbe-ýüze) görnüşinde geçiriljekdir
- Gatnaşyjylar kompýuter, planşet ýa-da öýjükli telefonlar arkaly yzygiderli internete baglanyp bilmeli. Okuw kursuna degişli materiallar elektron poçta arkaly ugradylar.
Bu kurs GRE synagynyň hemme böleklerini (Analytical Writing, Verbal Reasoning, Quantitative Reasoning) we ýokary okuw jaýlarynyň magistratura derejesine tabşyrmaga taýýarlykdan ybarat.
Maksatnama gatnaşmaga isleg bildirýänler:
- 4-ýyllyk bakalawr derejeli ýokary okuw jaýyny tamamlan;
- Häzirki wagtda Türkmenistanda ýaşaýan;
- Ýokary derejede iňlis dilini bilýän;
- ABŞ-nyň ýokary okuw jaýlaryna magistratura derejesine okuwa girmäge we okamaga uly höwesli;
- 17 hepdelik taýýarlyk kursuna doly gatnaşmany göz öňünde tutýan
Anketa bukjasy: Ähli resminamalar HÖKMAN elektron poçta arkaly ugradylmaly
- GRE maksatnamasynyň anketasy doldurylan bolmaly (forma görkezilen);
- Ýetişik bahalary (tabel)
- Iňlis dilinde ýazylan okuw jaýyndan ýa-da işlän ýerinden bir hödürnama haty;
- Rezýüme;
- Türkmenistanyň içerki pasportynyň nusgasy;
- ISLEGE GÖRÄ: resmi iňlis dili testleriniň bal netijeleri (mysal üçin: TOEFL, IELTS)
Ähli resminamalar DIŇE gre@americancouncilstm.org poçtasyna 2022-nji ýylyň 23-nji fewraly, sagat 17:30-a çenli ugradylmaly. Doly maglumat almak üçin +993 61 81 68 55 belgisine jaň edip ýa-da gre@americancouncilstm.org salgysy arkaly habarlaşyp bilersiňiz.
Diňe anketany dolulygyna dolduran dalaşgärler synaga çagyrylar.