Oýunlar biziň durmuşymyzyň aýrylmaz bir bölegine öwrüldi. Soňky ýyllarda bolsa, biz oýun oýnamak üçin, köplenç mobil platformalary ulanyp başladyk. Dünýädäki birnäçe telefon öndürýän şereketler bolsa, bu ýagdaý bilen aýakdaş bolup, oýun oýnamak üçin ýörite telefonlary öndürip başladylar.
OPPO şereketi hem oýun oýnamak üçin täze telefon öndürer. Bu habar OPPO şereketiniň EUIPO-na (Ýewropa Bileleşiginiň pikirleri bahalandyrma ofisine) patent üçin ýüz tutmasynda mälim boldy.
Täze telefonyň ady häzirlikçe mälim edilmedi. Emma dünýä metbugatynda onuň ASUS ROG Phone 5 we Lenovo Legion 2 Pro ýaly telefonlara meňzejekdigi barada birnäçe habarlar ýaýrady.
Telefonyň aşaky kysmynda 3,5 mm ses girişi, mikrofon, USB-C girişi we ses çykaryjy ýerleşer. Telefonyň sag tarapynda telefony öçürip ýakyjy düwme, çep tarapynda bolsa, ses düwmeleri bolar.
Telefonda ýekeje kemçilik onuň öň tarapynda kameranyň ýoklugydyr.
Telefonyň arka kysmynda bolsa, 4 sany kamera ýerleşer. Telefonyň arka ýüzi OPPO Reno 5 Marvel Edition smartfonyna örän meňzeýär.
Telefonyň aýratynlyklary hakynda maglumatlara eýe bolmasak-da, ýakyn wagtda bizi “güýçli” bir telefonyň garaşýandygyny aýdyp bileris.
Täze telefonyň haçan tanadyljakdygy barada şereket tarapyndan hiç hili maglumat berilmedi. OPPO şereketiniň bu ädimi telefon dünýäsindäki bäsdeşligi has-da artdyrar. Akylly telefonlary öndüriji şereketler bäsdeşlik etmek üçin geljekde has gowy aýratynlyklary bolan telefonlary öndürip bilerler. Bu bolsa, bizi, ýagny ulanyjylary has-da begendirip biler.
Taýýarlan: Maksat TAGANOW,
Magtymguly adyndaky Türkmen döwlet
uniwersitetiniň žurnalistika hünäriniň talyby.
“Ata Watan Eserleriâ€: baýrakly makala ýaryÅŸy dowam edýär