Paýtagtymyz Aşgabatda türkmen-gyrgyz ykdysady forumy geçiriler. Bu barada sanly ulgam arkaly geçirilen Ministrler Kabinetiniň mejlisinde habar berildi.
“Watan” habarlar gepleşiginde bellenilip geçilişi ýaly, türkmen-gyrgyz ykdysady forumy geçiriler. Oňa ýurdumyzyň we Gyrgyzystanyň ykdysadyýet we maliýe, energetika we senagat pudaklarynyň, ulag we kommunikasiýa toplumynyň, saglygy goraýyş, medeniýet, sport we ýaşlar syýasaty, telekeçilik ulgamlarynyň wekilleri gatnaşar.
Forumyň gün tertibinde söwda-ykdysady ulgamda, logistikada, maýa goýmakda we eksport mümkinçilikleri bilen tanyşmak hem-de özara bähbitli hyzmatdaşlyk gatnaşyklaryny ýola goýmak meseleleri bar.
Şeýle hem ikitaraplaýyn duşuşyklar, işewür gepleşikleri guralar. Olaryň netijeleri boýunça degişli resminamalar gol çekmek göz öňünde tutulýar.