UEFA Ýewropa Ligasynyň final duşuşygyň geçirildi. Onda Angliýanyň “Mançester Ýunaýted” topary bilen Ispaniýanyň “Wilýarreal” topary duşuşdy. Esasy wagty 1:1 deňme-deň gutaran oýunda kubogy gazanan topary 11 mterlik jerime urgulary aýan etdi.
11 metrlik jerime urgulary 11 gezek geçirildi. Netijede, bu jerime urgularynda 11:10 hasabynda Ispaniýanyň “Wilýarreal” topary üstün çyykyp, öz taryhynda ilkinji gezek UEFA-nyň Ýewropa Ligasynyň kubogyny gazandy, galyberse-de birinji gezek şeýle ýokary derejedäki ýaryşda üstün çykdy.
Şeýlelikde, bu gazanan üstünligi bilen “Wilýarreal” topary geljek möwsümde UEFa-nyň Çempionlar ligasynda çykyş etmek mümkinçiligine eýe boldy. Şeýle hem UEFA-nyň Superkubogyny almak ugrundaky duşuşykda UEFA-nyň Çempionlar Ligasynyň ýeňijisi bilen duşuşar.
“Mançester Ýunaýted” toparynyň derwezebany De Hea duşuşygyň anti-gahrymany boldy. Ol duşuşykda ähli 11 metrlik jerime urgularyny derwezesine geçirdip, özi hem 11 metrlik jerime urgusyndan peýdalanyp bilmedi.
UNAI EMERINIŇ TARYHY REKORDY
Häzire çenli haýsy topary UEFA-nyň Ýewropa Ligasynyň finalyna çykaran bolsa, şol topary kubogy gazandy. Ol hem tälimçi Unai Emeridir. “Wilýarreal” toparynyň tälimçisi Unai Emeriniň bu UEFA-nyň Ýewropa Ligasynyň 4-nji kubogydyr. Ol bu kubogy ozal hem “Sewilýa” topary bilen 3 gezek, ýagny 2014-nji, 015-nji hem-de 2016-njy ýyllarda gazandy.
Şeýlelikde, ol Ýewropa Ligasynyň kubogyny iň köp gazanan tälimçi boldy. Emeri bu babatda italiýaly tälimçi Jowanni Trapattoniden öňe saýlandy. Trapattoni “Ýuwentus” topary (1977, 1993) bilen 3 gezek, “Inter” topary (1991) bilen bir gezek bu arzyly kubogy gazanypdy.
Unai Emeri tälimçilik durmuşynda 11-nji kubogyny gazandy. Ol “Wilýarreal” toparyny 2000-nji ýyldan bäri tälim berýär we topar bilen ilkinji kubogyny gazandy.
Mundan ozal, “Sewilýa” hem-de “PSŽ” toparlarynda tälimçilik eden döwründe kuboklar gazanypdy.
ÝEWROPA LIGASYNYŇ IŇ ÝAŞ ÝEŇIJISI
“Wilýarreal” toparynyň düzüminde çykyş edýän ispaniýaly Ýeremi Pino UEFA-nyň Ýewropa Ligasynyň kubogyny gazanan iň ýaş futbolçy boldy. Ol final duşuşygynda 77-nji minutda oýna goşuldy. Şeýlelikde, ol 18 ýaş we 218 gün hasaby bilen kubogy gazanan iň ýaş futbolçy boldy.