Ýaňy-ýakynda “Time” žurnaly tarapyndan iň abraýly 100 kompaniýabyň sanawy düzüldi. Sanaw neşiriň web sahypasynda çap edildi.
Sanawda redaksiýa we bilermenleriň pikirleri göz öňünde tutulyp taýýarlandy. Reýting “Ilkinjiler”, “Öňdebaryjylar”, “Täzelikçiler”, “Ägirtler” ýaly kategoriýalarda düzüldi.
“ilkinjiler” kategoriýasynda birinji orny aktrisa we prodýuser Riz Uizerspun tarapyndan döredilen “Hello Sunshine” mediakompaniýasy eýeledi. Bu bölümde Riannanyň kompaniýasy hem orun aldy.
“Öňdebaryjylar” kategoriýasynda birinji orny Milli basketbol assosiasiýasy eýeledi. Şeýle hem bu kategoriýada “Apple”, “Sony”, “Nike” ýaly kompaniýalar, “Twitter” jemgyýetçilik tory, “Mastercard” maliýe korporasiýasy hem ýerleşdi.
“Täzelikçiler” kategoriýasynda “Gro Intelligence” analitik kompaniýasy birinji orny eýeledi. Şeýle hem bu kategoriýada “Moderna” biotehnologiýa kompaniýasy, “Netflix” hyzmat kompaniýasy, “Zoom” wideomaslahat hyzmatyny amala aşyrýan maksatnamasy orun aldy.
“Ägirtler” kategoriýasynda birinji orun “General Motors” kompaiýasyna degişli boldy. Şeýle hem bu kategoriýadaky sanawa “Facebook” jemgyýetçilik tory, “Disney” media kompaniýasy, “Google” korporasiýasy, “Microsoft” hem-de “Amazon” kompaniýalary goşuldy.