Daniýanyň Odense muzeýiniň arheologlary, Fýunen adasynda geçirilen gazuw-agtaryş işlerinde takmynan 3 müň ýyllyk ajaýyp bürünç gylyjy tapdylar. Bu adada Polşa bilen Daniýanyň arasynda uly “Baltika” gaz turbasyny gurmaga taýýarlanýarlar. Şol sebäpli bir ýyl töweregi arheologlar, geljekde turbalaryň goýuljak ýerlerini gazuw-agtaryş işlerini geçirýärler. Tapylan bürünç gylyjyň agramy 1,3 kilogramma barabar bolup durýar. Agaçdan we şahdan ýasalan gylyjyň tutabajy, täsin ýagdaýda gowy şekillde saklanyp galypdyr diýip, Odense şäherinde ýerleşýän muzeýiň hünärmenleri belläp geçýär. Muzeýiň dolandyryjysy Jesper Hansen bolsa gylyjyň henizem ýiti we seýrek duş gelýän emläkdigini aýdýar. Häzirki wagtda gylyjy öwrenmek we gorap saklamak üçin muzeýe geçirildi. Alymlar onuň senesini we gylyjy ýasamak üçin ýasalan materiallaryň nireden alnandygyny anyklamaga synanyşarlar. Şondan soňra tapyndyny “Mentergorden” medeni taryhy muzeýinde görkeziler.