2020-nji ýylyň 6-13-nji dekabry aralygynda hepdelik täleýnamanyň synlary. Bu hepde hamal, sowur, jöwza, seretan, eset, sünbüle, mizan, akrap, kowus, jedi, daluw, hut ýyldyzy astynda doglanlara nämeler garaşýar?!
Hamal (guzy 21.03 — 20.04)
Bu hepdede sizde algysy bolan biriniň myhmançylyga gelmegi mümkin. Bu döwürde siziň durmuşyňyzda oňyn wakalar bolar. Işiňizde ýakymly özgerişliklere, gyzykly duşuşyklara, ikiüç sany ownuk söwda, kimdir birinden garaşylmadyk ýagdaýdaky sowgada garaşyp bilersiňiz. Telekeçilik bilen meşgullanýanlar ýetip gelýän Täze ýylda taslamalara badalga beriljek günleriň şaýady bolarlar.
Sowur (öküzçe 21.04 — 20.05)
Sowurlar bu hepdede rahatlygyň nämedigini ýatdan çykararlar. Soňky aýlaryň dowamynda howlukman meşgullanan işlerini gyssagly tamamlamaly bolarlar. Işde-de, öýde-de işiňiz başyňyzdan agdyk bolar. Dostlaryňyzdan, garyndaşlaryňyzdan, kärdeşleriňizden kömek soramakdan çekinmäň. Hepdäniň ahyrynda uly toýa çakylyk almagyňyz mümkin.
Jöwza (ekizekler 21.05 — 21.06)
Bu hepdede wajyp ähmiýetli wakalar bolmaz. Bütinleý maşgala aladalary, işdäki başagaýlyklary aradan aýyrmak bilen meşgul bolarsyňyz. Hepdäniň ahyrynda suwda ýüzseňiz, özüňize ýakyn adam bilen gürrüňdeş bolsaňyz ýadawlygyňyz aýrylar. Köne dostlaryňyzyň biri bilen araňyzda düşünişmezligiň ýüze çykmagyna ýol bermäň, onuň bilen gatnaşygyňyzy gowulandyryň.
Seretan (leňňeç 22.06 — 22.07)
Bu hepdede täze peýdaly tanyşlyklaryň ýüze çykmak mümkinçiligi ýokary. Belki, telekeçilikde ýa-da iş ýeriňizde size ýardam berip biljek adama duşarsyňyz. Ýakynlaryňyza we dostlaryňyza bäsdeşlik etmäň, kimdir biriniň öňünde şert goýmaň, läliksiremäň, gabanjaňlyk etmäň. Ýaşy birçene baran seretanlar köpräk açyk howada bolsalar, şeýle-de ýaşlary gyzyklandyrýan zatlara goşulyşsalar gowy bolar.
Eset (ýolbars 23.07 — 23.08)
Bu hepdede tebigy özüneçekijiligiňizi ýaran ediniň. Ony iş bilen baglanyşykly gepleşiklerde, ýakyn garyndaşlaryňyz bilen söhbetdeşliklerde ulanyň. Hepdäniň ortasynda sizi ýalňyzlykdan dyndarjak duşuşygyň ýüze çykmagy ahmal. Şol günlerde göçmegiň, işden çykmagyň, daş keşbiňizi üýtgetmegiň pikirini etmäň.
Sünbüle (gyz 24.08 — 23.09)
Bu hepdede sizi garaşylmadyk bir sowgadyň begendirmegi mümkin. Öň düýpgöter diýen ýaly gatnaşyk saklamadyk adamyňyzyň size ünsli garamagy ahmal. Gymmat bahaly bir zat satyn almak isleýänler beýleki söwda nokatlaryndaky teklipler bilen hem tanyşmaly. Iş ýeriňizde ýakymly tötänlikleriň bolmagy mümkin (belki, bagtyňyz çüwüp, şowlaman gelýän işleriňiz biter).
Mizan (terezi 24.09 — 23.10)
Bu hepdede iş ýeriňizde gyssagly işleri ýerine ýetirmäge gatnaşarsyňyz. Ýolbaşçylaryňyzyň ýa-da telekeçilik boýunça hyzmatdaşlaryňyzyň möhüm tekliplerini berjaý etmeli bolarsyňyz. Maşgala ýagdaýyňyz ýönekeýligi, rahatlygy bilen begendirer. Ýakymly aladalar hem bolar (myhmanlaryň gelmegi, Täze ýyl bilen baglanyşykly ownuk-uşak işlere güýmenmek, onuň meýilnamasyny düzmek).
Akrap (içýan 24.10 — 22.11)
Bu hepdede wezipeli adamlar bilen duşuşanyňyzda dogumly hereket ediň. Islendik ýagdaýda öz bolşuňyza galyň. Şahsy durmuşyňyzda oňyn habarlara garaşyp bilersiňiz. Gatnaşyk açmak isleýäniňizden uzak garaşdyran jogaby almak mümkinçiligiňiz ýokary. Uzak wagtlap nikada bolanlar öz ýanýoldaşlarynyň öňden arzuw edip ýören zadyny sowgat berseler ýakymly bolar.
Kowus (keman 23.11 — 21.12)
Kowuslar bu hepdede haýsydyr bir ýakymly wakanyň şaýady bolup bilerler. Mümkin, kimdir biri gözüňiziň alnynda begener, sizem onuň şatlygyna goşulyşarsyňyz. Kowuslaryň käbiriniň bu hepdäni jemgyýetçilik bähbitli işlere ýa-da döredijilik başlangyçlaryny ösdürmäge bagyş etjekdigini hem aradan aýyrmak bolmaz.
Jedi (owlak 22.12 — 20.01)
Bu hepdede islendik çylşyrymly söhbetdeşlikleriň şowly tamamlanmagyna bil baglap bilersiňiz, ýöne bir şert bilen: olaryň dowamynda özüňizi juda pähimli alyp baryň. Dynç günleriniň başagaýlykda geçmegi ahmal. Garyndaşlaryňyz, dostlaryňyz we goňşularyňyz myhmançylyga geler. Şeýle-de, käbir ownuk-uşak öý goşlarynyň zaýalanmagy mümkin we gysga wagtlyk gezelençler göz öňünde tutular.
Daluw (gowa 21.01-20.02 )
Bu hepdedir daluwlary nämedir bir zatlara gyzyklandyrmak kyn bolar. Ýakynlaryňyzdan biri esassyz geleňsizligi bilen geň galdyrsa, gamlanyp oturmaň. Munuň wagtlaýyn bolmagy ahmal. Gyzykly güýmenje tapynyň, gözýetimiňizi giňeldiň, kitaplary köp okaň, psihologiýanyň esaslaryny öwreniň. Ýaşy kyrkdan geçen daluwlar durmuşa bolan gatnaşyklaryna gaýtadan seredip, ony has kämilleşdirerler.
Hut (balyk 21.02 — 20.03)
Bu hepdäniň wakalary jogapkärçilikli duşuşyklardan, barlaglardan, hasabatlardan ybarat bolar. Esassyz çykdajylardan gaça dursaňyz, iýip-içýän zatlaryňyzy seljerseňiz, internetde gyzykly söhbetdeş tapynsaňyz peýdaly bolar. Çagalaryňyzyň we ata-eneleriňiziň durmuşyna has köp üns beriň.
Ykbalyň bagt ýyldyzy hemmelere miýesser etsin.
Janyňyz sag, işiňiz ugryna bolsun!
Siz bu sahypada gündelik syýasata degişli habarlary okap bilersiňiz!
