Türkiýäniň “Türkhowaýollary” kompaniýasy tarapyndan Türkiýe Respublikasynyň Türkmenistandaky ilçihanasynyň utgaşdyrmagynda 2020-nji ýylyň 4-nji dekabrynda sagat 17:05-de Türkmenabat-Stambul ugry boýunça ýörite uçar gatnawynyň amala aşyrylmagy meýilleşdirilýär.
Türkiýäniň ilçihanasynyň 2020-nji ýylyň 4-nji dekabrynda Türkmenabatdan Stambul şäherine göz öňünde tutulan ýörite uçar gatnawy baradaky bildirişine laýyklykda, şunuň bilen baglylykda Türkiýä gitmek isleýän Türkiýe Respublikasynyň raýatlarynyň talabyny goşundydaky maglumatlary dolduryp, ilçihananyň resmi elektron poçta salgysyna (embassy.ashgabat@mfa.gov.tr) gyssagly ibermekleri garaşylýar.
Ilçihana tarapyndan Türkiýä gitmek isleýän raýatlaryň sanawy “Türkhowaýollary” kompaniýasynyň Aşgabat şäherindäki şahamçasyna berler. Soňra raýatlaryň pasportlarynyň asyl nusgasy ýa-da göçürmesi bilen sanawy “Türkhowaýollary” kompaniýasynyň Aşgabat şäherindäki şahamçasyna (Atatürk köçesi 82, A7-A8 otagy/ “Barkarar” söwda-dynç alyş merkeziniň 1-nji gaty. Tel:+993-610-144-33) ýüz tutup, uçardan orun satyn alyp bilerler.
“Türkhowaýollary” kompaniýasy tarapyndan bu uçar bilen gitjek her bir ýolagçy üçin biletiň bahasy 500 ABŞ-nyň dollar möçberinde kesgitlendi. Her bir ýolagçy üçin 30 kg möçberinde ýük almaga, 8 kg möçberinden artyk bolmamak şerti bilen ýanynda göterýän torbasy ýa-da ýan kompýuter torbasyny almaga hem-de talap bolan halatynda goşmaça ýük almaga mümkinçilik dörediljekdigi mälim edildi.
Goşmaça soraglar ýüze çykan halatynda ilçihananyň konsullyk bölümine “+99312940027” we “+99312940029” telefon belgileri bilen ýüz tutup bilersiňiz.
Siz biziň Android ulgamynda işleýän Applikasyýamyzy şu ýere basyp, özüňiziň mobil telefonyňyza ýükläp ähli eserleri, şeýle hem, beýleki habarlary aňsatlyk bilen okap bilersiňiz!
Telekeçilik bilen meşgullanmak isleýän ýaşlaryň we telekeçileriň söýgüli sahypasy-Telekeçilik Sahypasy!
