Beýik Britaniýa bilen Ýaponiýa erkin söwda şertnamasyna gol çekdi. Tokionyň kabul ediş öýünde geçirilen dabarada bu resminama Beýik Britaniýanyň daşary söwda ministri bilen Ýaponiýanyň daşary işler ministri tarapyndan gol çekildi. Bilermenleriň belleýşi ýaly, bu resminama Londonyň Ýewropa Bileleşiginden çykanyndan soňky gol çekişen ilkinji möhüm şertnama boljakdygy bellenilýär.
Beýik Britaniýanyň daşary söwda ministri Elizabet Trass bu barada eden çykyşynda: “Köpler garaşsyz Beýik Britaniýanyň uly söwda şertnamasyny baglaşyp bilmejekdigini we munuň üçin köp wagt gerek boljakdygyna ynanýardylar. Emma bu beýle däl. Beýik Britaniýa gysga wagtda uly söwda şertnamasyna gol çekişdi” diýip belledi.
Ýaponiýanyň Daşary işler ministrligi bu şertnamanyň iki ýurduň parlamentleri tarapyndan tassyklanylandan soň 2021-nji ýylyň ýanwar aýynda güýje girjekdigini aýtdy. Eksport harytlarynyň 90% -den gowragy üçin ýygymlaryň aýrylmagy göz öňünde tutulýar.
Ýaponiýanyň daşary işler ministri Tosimisu Motegi hem öz gezeginde Ýaponiýanyň hökümeti Beýik Britaniýanyň Trans-Ýuwaş umman hyzmatdaşlygyna goşulyşmagyny gazanmak üçin hemmetaraplaýyn goldaw berjekdigini belledi. Trans-Ýuwaş umman hyzmatdaşlygy – söwda nyrhlaryny azaltmak we maýa we tehnologiýanyň has erkin hereket etmegi üçin şertnamalar durmuşa geçirilýän sebitleýin gurama.
Beýik Britaniýanyň maglumatyna görä, 2019-njy ýylda iki ýurduň arasyndaky haryt dolanyşygy 34.8 milliard ýewro deň boldy we şu wagtky gazanylan ylalaşyk haryt dolanyşygyny 16.7 milliard ýewro artdyrmaga mümkinçilik berer.
Sungat we medeniýet ulgamyna degişli täzelikler medeniýet sahypamyza ýerleşdirilendir!
