Aşgabat şäher salgyt bölümi tarapyndan “Türkmenistan” gazetinde çap edilen “Hususy telekeçileriň we şahsy taraplaryň dykgatyna” diýlip ýüzlenilýän bildirişden mälim bolşuna görä, bu salgyt bölümi hususy telekeçileriň we şahsy taraplaryň 2020-nji ýylyň birinji ýarym ýylynyň jemi boýunça hasabat döwri üçin “Salgytlar hakynda” Türkmenistanyň Bitewi kanunynyň düzgünlerinde bellenilen möhletlerden gijä galman salgyt beýannamalaryny tabşyrmagy we hasaplanan salgytlary tölemegi ýatladýar :
- Ýeňillikli salgyt salmak ulgamy boýunça işleýän telekeçiler tarapyndan goşmaça patent tölegi boýunça beýannamalar 2020-nji ýylyň 15-nji awgustyna çenli tabşyrylýar we hasaplanan goşmaça patent tölegi 2020-nji ýylyň 25-nji awgustyna çenli tölenýär.
- Salgyt salmagyň umumy ulgam boýunça salgyt töleýän şahsy taraplar-hususy telekeçiler goşulan baha üçin salgyt boýunça salgyt beýannamasy 2020-nji ýylyň 20-nji iýulyna çenli tabşyrylýar we hasaplanan salgyt 2020-nji ýylyň 1-nji sentýabryna çenli tölenýär. Şahsy adamlardan alynýan girdeji salgyt boýunça salgyt beýannamasy 2020-nji ýylyň 25-nji iýulyna çenli tabşyrylýar we hasaplanan salgyt 2020-nji ýylyň 10-nji awgustyna çenli tölenýär.