Kamerunyň futbol boýunça milli ýygyndysynyň hem-de «Real Madrid», «Barselona», «Inter», «Çelsi» ýaly klublaryň ozalky hüjümçisi Samuel Eto «Barselonadaky» topardaşy Lionel Messä 70 ýaşa çenli futbol oýnamagy maslahat berdi.
«Marca» neşirinde Etonyň aýdan sözleri şeýle getirilýär:
«Häzir 32 ýaşy dolan Messiniň oýnundan, janköýerleriň, mümkin boldugyça has köp lezzet almagy gerek. Leo ― dünýädäki we futbol taryhyndaky iň gowy futbolçy. Messi bize futbolyň lezzetini bagyşlamagy üçin 70 ýaşaýança futbol oýnasa has gowy bolar».
Samuel Eto «Barselonada» 2004 ― 2009-njy ýyllarda çykyş edipdi.