Zenanlaryň arasynda geciriljek futbol boýunça Ýewropa çempionaty koronawirus sebäpli 2022-nji ýylyň tomsuna geçirildi. Bu barada Ýewropa Futbol Assosiasiýalary Bileleşigi (UEFA) habar berdi.
Aslynda bu ýaryş 2021-nji ýylyň tomsunda Angliýada geçirilmelidi. Emma erkekleriň arasyndaky 2020-nji ýylyň tomsunda geçirilmegi meýilleşdirilen futbol boýunça Ýewropa çempionatynyň 2021-nji ýyla geçirilendigi üçin zenanlaryň arasyndaky çempionatynyň senesi hem üýtgedildi.
UEFA-nyň beren beýanatyna laýyklykda, zenanlaryň arasyndaky çempionatyň 2022-nji ýylyň tomsunda geçirilmegi meýilleşdirilen ýeke-täk esasy futbol ýaryşy boljakdygy we munuň hem çempionata bolan ünsüň haç köp boljakdygy mälim edilýär.
Sene eýýäm yglan edildi: çempionat 2022-nji ýylyň 6-njy iýulyndan 31-nji iýuly aralygynda geçiriler. Final Uembli stadionynda geçiriler.
UEFA ýakyn wagtda ýaşlaryň arasyndaky futbol boýunça Ýewropa çempionatyny hem yza süýşürip biler.