Russiýanyň Türkmenistandaky ilçihanasynyň “Telegram” jemgyýetçilik torunda berlen maglumata görä, “Türkmenistan” awiakompaniýasynyň amala aşyrýan Moskwa ugurly gatnawynyň awiapetekleri satylýar.
Awiapetekler şu gün ýagny, 14-nji iýunda sagat 15:00-da “Türkmenistan” awiakompaniýasynyň Aşgabat şäherindäki kassalarynda satylyp başlandy.
Meýilleşdirilýän gatnaw 17-nji iýunda sagat 10:00-da amala aşyrylar. Biletiň ekonom-klassynyň bahasy 612 dollar. Tölegiň görnüşi boýunça ýolagçylar awiakompaniýadan takyk maglumat alyp bilerler.
Russiýa barýan daşary ýurtly raýatlardan soňky 48 sagadyň dowamynda COVID-19 barlagyndan (PSR-test) geçendigini tassyklaýan resminamasynyň talap edilýändigini ýatladýarys.