Olimpiýa oýunlarynyň şygary ilkinji gezek üýtgedildi. 1894-nji ýylda kabul edilen “Has çalt, has ýokary, has güýçli” atly şygar üýtgetmek kararyna gelindi. Bu barada häzirki günlerde Ýaponiýanyň Tokio şäherinde geçirilýän Halkara Olimpiýa komitetiniň 138-nji mejlisinde degişli çözgüt kabul edildi.
Halkara Olimpiýa komiteti “Has çalt, has ýokary, has güýçli – bilelikde” atly täze şygary tassyklady.
“Has çalt, has ýokary, has güýçli” şygary häzirki zaman Olimpiýa oýunlaryny esaslandyran Pýer de Kuberten tarapyndan teklip edilip, 1894-nji ýylda ilkinji Olimpiýa kongresinde tassyklanypdy.
Bu şygaryň awtory bolup, de Kuberteniň kärdeşi fransuz ruhanysy Anri Didona degişlidir. Bu şygar 1924-nji ýylda Pariž şäherinde geçirilen Olimpiýa oýunlarynda ýaňlanypdy.