Halkara Ýaşlar güni BMG-sy tarapyndan giňden bellenilýän baýramçylyklaryň biridir. Bu sene ýaşlaryň medeni we hukuk taýdan kämil bolmaklary maksady bilen geçirilýär.
1999-njy ýylyň 17-nji dekabrynda Birleşen Milletler Guramasynyň Baş Assambleýasy “Ýaşlar üçin jogapkär ministrleriň bütindünýä konferensiýasynda” 54/120 karary bilen 12-nji awgusty “Halkara ýaşlar güni” diýlip yglan etdi. Halkara Ýaşlar güni ilkinji gezek 2000-nji ýylyň 12-nji awgustynda bellenildi.
2020-nji ýylynda hem Halkara Ýaşlar güni “Global hereketlere ýaşlaryň gatnaşygy” mowzugy esasynda geçirilýär. Bu şanly sene dünýäniň ençeme künjeginde giňden bellenilip geçilýär.