Saud Arabystany Patyşalygy bu tutumly işiň geljekde şol döwletiň ekologiýa taýdan arassa howasynyň bolmagy we yurduň ykdysadyýetine we syýasatyna uly ýardam berer diýip “news.mail.ru” habar berýär. Ýurtda bagy-bossanlyga öwürmek kampanýasynyň çäklerinde ýakyn on ýyllykda 10 milliard düýp nahalyň oturdylmagy meýilleşdirilýär.
Saud Arabystany 2030-njy ýyla çenli ýurduň energiýasynyň 50% -ini gaýtadan dikeldilýän çeşmelerden öndürmek arkaly uglerod zyňyndylaryny azaltmagy maksat edinýär. Şeýle hem Ýakyn Gündogaryň “Ýaşyl” başlangyçy arkaly beýleki arap ýurtlary bilen goşmaça 40 milliard agajyň ekilmegine hem ýardam bermekçi. Şazadanyň pikiriçe, bu dünýädäki iň uly tokaý döretmek maksatnamasy bolar.
Saud Arabystanynyň Şazadasy bu tokaý zolagynyň dünýädäki iň uly tokaý zolagyna öwrüljekdigini we 2030-njy ýyla çenli ýurduň durmuş ykdysady derejelerini ýokarlandyrmaga uly başlangyçdygyny belleýär. Bu işleriň amala aşyrylmagy dünýädäki howa şertleriň üýtgemeginiň esasynda howany durnuklaşdyrmaga ýardam berjekligi we halkara gatnawlaryndaky howa gämileriniň hem arassa howadaky hereketleriniň güýçlenjekdigi we howa gämileriň goňşy döwletlerine çalt baryp gowuşmaklygyny üpjün etjekdigi bellenilýär.
Saud Arabystany sebitde uglewodorod zyňyndylarynyň 60%-den gowrak azalmagyna kömek etmek üçin sebitdäki hyzmatdaşlar bilen iş alyp barar diýip, Şazada belleýär.
Derýa Rüstemow,
TOHU–nyň talyby