Şu gün 1-nji iýun – Çagalary goramagyň halkara güni. 1-nji iýunyň ilkinji sagatlarynda dünýä inen bäbekleriň ejelerine baýramçylyk sowgady gowşuryldy. Bu barada “Neýtralnyý Türkmenistan” gazetinde habar berilýär.
Türkmenistanyň Magtymguly adyndaky Ýaşlar guramasynyň Merkezi Geňeşiniň çagalar gaznasynyň hem-de Türkmenistanyň Demokratik partiýasynyň Aşgabat şäheriniň Bagtyýarlyk etrap komitetiniň wekilleri 1-nji iýunda bäbek dünýä indiren ejelere sowgat taýýarladylar.
Olar Enäniň we çaganyň saglygyny goraýyş ylmy-kliniki merkezinde bolup, 1-nji iýunyň ilkinji sagatlarynda dünýä inen bäbekleriň ejelerine baýramçylyk sowgady gowşurdylar.