Türkmenistanyň Senagatçylar we telekeçiler birleşmesiniň obasenagat we balykçylyk bölüminiň wekilleri Täjigistanyň paýtagty Duşenbe şäherinde gepleşikler geçirdi. Türkmenistanyň Täjigistandaky ilçihanasynyň habar bermegine görä, türkmen wekiliýetiniň ýolbaşçysy M. Baýramdurdyýew Täjigistanyň Ykdysady ösüş we söwda ministrliginiň Daşary ykdysady gatnaşyklary müdirliginiň başlygy D. Şarifi bilen duşuşyk geçirdi.
Duşuşygyň dowamynda Türkmenistanyň Täjigistanyň paýtagty Duşenbe şäherinde Söwda öýüni açmak meselesi boýunça pikir alşyldy. Şunuň bilen baglylykda, bu taslama barada maslahatlaşylyp, ikitaraplaýyn söwdanyň möçberini artdyrmak meselelerine garaldy.
Söwda öýüniň türkmen hususy önüm öndürijilerine özüniň önümlerini Täjigistanyň bazaryna çykarmaga mümkinçilik berer.