22-nji aprelde Astanada geçirilen Sebitleýin ekologiýa sammitiň gatnaşyjylaryna ýüzlenip, Türkmenistanyň Prezidenti Serdar Berdimuhamedow Hazar deňziniň daşky gurşawyny goramak meselelerinde kenarýaka döwletleriniň hyzmatdaşlygyny mundan beýläk-de berkitmek boýunça meýilnamalar barada habar berdi.
Döwlet Baştutanymyz geçen ýylyň awgustynda Türkmenistanyň BMG-niň Deňze çykalgasy bolmadyk ösüp barýan döwletler boýunça üçünji maslahatynyň çäklerinde kenarýaka döwletleriň wise-premýerleriniň derejesinde Hazar deňziniň ekologik meseleleri boýunça maslahaty gurandygyny ýatlatdy.
Şu nukdaýnazardan hormatly Prezidentimiz öňden gelýän tejribäni dowam etdirip, Aşgabat şäherinde şu ýylyň oktýabr aýynda nobatdaky ýokary derejeli duşuşygy geçirmegiň göz öňünde tutulýandygyny anyklady. Geljekki forumyň maksady sebitiň ýurtlarynyň arasynda hyzmatdaşlygy täze derejä çykarmakdan ybarat bolar. Esasy üns Hazar deňziniň ekologik abadançylygyna we onuň täsin tebigy gurşawyny gorap saklamaga gönükdiriler.