Türkmenistanyň Halk Maslahatynyň Başlygy Gurbanguly Berdimuhamedow zähmet rugsadyna çykdy. Bu barada türkmen halkynyň Milli Lideri 3-nji awgustda dikuçarda Arkadag şäherine amala aşyran nobatdaky iş saparynyň barşynda aýtdy diýip, “Watan” habarlar gepleşiginde habar berildi.
Türkmen halkynyň Milli Lideri “Ministrler Kabinetiniň şu ýylyň 12-nji iýulynda geçirilen giňişleýin mejlisinde döwlet Baştutanymyzyň ýurdumyzyň Hökümet agzalaryna 1-nji awgustdan dynç almaga rugsat berendigini, hemişe bolşy ýaly, olaryň “Awaza” milli syýahatçylyk zolagynda hem-de ýurdumyzyň dürli künjeklerindäki şypahanalarda dynç almaklaryna zerur şertleriň döredilendigi, üçin hormatly Prezidentimize minnetdarlyk bildirip, özüniň hem zähmet rugsadyna gidýändigini aýtdy.