Türkmenistanyň Döwlet haryt we çig mal biržasyndaky söwdalaşmalar çärşenme güni, 2-nji noýabrda umumy jemi 934 müň amerikan dollary we 7,4 million manada barabar bolan üç geleşik baglaşylandan soň tamamlandy.
Türkiýeli işewür Türkmenbaşynyň nebiti gaýtadan işleýän zawodlar toplumy bilen ТС-1 awiasiýa kerosiniň 1 müň tonnasyny satyn almak boýunça şertnama baglaşdy. Geleşigiň jemi bahasy 934 müň amerikan dollary boldy.
Ýerli telekeçiler söwdalaşmalaryň barşynda Oba hojalyk we daşky gurşawy goramak ministrligi bilen jemi 7,4 million manada barabar bolan geleşik baglaşyp, gysga süýümli pagtanyň jemi 430 tonnasyny satyn aldylar.