Russiýanyň Oba hojalyk gözeglçilik gullugy (Rosselhoznadzor) Türkiýe Respublikasyndan gelip gowşan imitlik ýumurtganyň ilkinji tapgyryny barlagdan geçirendiklerini habar berdi.
– 3-nji ýanwarda “Ýarag-Mazlaar” gümrük nokadyna Türkiýeden eksport ugurly ýumurtgalar gelip gowuşdy. Ilkinji tapgyrda Russiýanyň çäklerinde ýerlenmek üçin 19.36 tonna ýumurtga geldi – diýip, degişli edaranyň resmi saýtynda habar berilýär.
Russiýanyň degişli edarasy Türkiýäniň 21 kärhanasyna ýumurtga eksport etmäge rugsat berdi.
Mälim bolşy ýaly, 2023-nji ýylyň dekabrynda Russiýa Federasiýasyna Azerbaýjadan hem ýumurtga gelip başlady. Russiýa Federasiýasy 1-nji ýanwardan towuk ýumurtgalary üçin salgyt paçlaryny ýatyrdy. Bu düzgün 2024-nji ýylyň 30-njy iýunyna çenli dowam eder. Bu hem 1,2 milliard sany ýumurtga gelmegine mümkinçilik berip, ýurtda ýumurtganyň bahasynyň ýokarlanmagynyň öňüni almaga şert döreder.