Saud Arabystanynyň hökümeti taryhda ilkinji gezek zenanlara hem goşunda gulluk etmek hukugyny berdi. Bu barada ýurduň «Aş-Şark al-aswat» neşiri habar berýär.
Habarda beýan edilişine görä, mundan beýläk goşunda gulluk etmäge isleg bildiren zenanlar ýönekeý esgerlikden başlap, harby gullukdaky ähli derejelere çenli göterilip bilerler. Edil erkekler ýaly, olara-da ýurtdaky ähli harby atlar gowşurylar.
Ýurduň generallarynyň biri Hasan aş-Haşriniň aýtmagyna görä, zenanlaryň harby gulluga çagyrylmagy dogry ädimdir. Onuň aýdyşy ýaly, Saud Arabystanynyň goşunynda zenanlara hem iş ýeterlik.