JEMGYÝET

Ronaldoly Portugaliýa 1/8 finala çykdy

Germaniýada geçirilýän futbol boýunça Ýewropa çempionatynda “F” toparçasynda Türkiýe bilen Porrtugaliýanyň arasyndaky duşuşyk 3:0 hasabynda tamamlandy. Bu duşuşykda ýeňiş gazanan Portugaliýanyň ýygyndysy 6 utuk bilen 1/8 finala çykmagy başardy.

Mundan ozal, 1/8 finala ýer eýeleri Germaniýa bilen Ispaniýa hem çykmagy başarypdy.

Türkiýe bilen Portugaliýanyň duşuşygynda hasap 21:-nji minutda açyldy. Bernardo Silwa tapawutlandy. 28-nji minutda Türkiýäniň goragçysy bilen derwezeçisiniň arasyndaky düşünişmezlik sebäpli Samet Akaýdin öz derwezesine gol geçirdi.

55-nji minutyda Kristiano Ronaldonyň geçiren pasy bilen Bruno Fernandes hasaby 3:0 ýetirdi.

Şeýlelikde, Roberto Martinesiň şägirtleri 6 utuk bilen 1/8 finala çykdy.

Türkiýäniň 3 utugy bar, bu toparçada çykyş edýän Gruziýa bilen Çehiýanyň bolsa 1 utugy bar.

Indiki tapgyrda Türkiýe Çehiýa bilen Portugaliýa bolsa, Gruziýa bilen duşuşar.

Related posts

Türkmenistanyň Prezidenti Merkezi Aziýanyň daşary işler ministrlerini kabul etdi

Ata Watan Eserleri

2023-nji ýylyň şygarynyň nyşanynyň manysy

Türk kompaniýalarynyň 100-e golaýy eksport harytlarynyň sergisine gatnaşarlar

Ata Watan Eserleri