Mälim bolşy ýaly, düýn Fransiýanyň paýtagty Pariž şäherinde 4 ýylda bir gezek geçirilýän tomusky Olimpiýa oýunlary badalga aldy. Oňa Türkmenistanyň türgenleri hem gatnaşýar.
Pariž şäherinde geçirilýän Olimpiýa oýunlarynyň býujeti 11 milliard ýewro deň boldy. Bu Olimpiýa oýunlaryny geçirmek üçin ozaldan meýilleşdirilen býujetden has köp çykdajy edildi.
11 awgusta çenli dowam etjek Olimpiýa oýunlarynda Hytaý bilen ABŞ-nyň türgenleriniň arasynda medal gazanmakda uly bäsleşigiň bolmagyna garaşylýar. Häzirki wagtda Hytaýyň türgenleri 2 altyn gazandy.
Umuman, Olimpiýa oýunlarynyň badalga almagynyň üstünden geçen bir günüň dowamynda 6 döwlet medal gazandy. Hytaý 2 altyn, Awstraliýa 1 altyn, Beýik Britaniýa 1 kümüş we 1 bürünç, ABŞ 1 kümüş we 1 bürünç, Günorta Koreýa 1 kümüş we Gazagystan 1 bürünç medal gazandy.
Umumylykda, Olimpiýa oýunlaryna 206 döwlet bilen bosgunslar topary gatnaşýar.