Futbolyň taryhynda ilkinji gezek taryhy wakalaryň biriniň şaýady bolnar. Argentinanyň dünýä ýyldyzy Lionel Messi bilen ilkinji gezek täze innowasion taslama durmuşa geçiriler. “Inter Maýami” toparynda çykyş edýän Messä kamera ýerleşdiriler we bu duşuşyk göni ýaýlymda yzarlanar.
“Inter Maýami” toparynyň anna güni geçirjek duşuşygyny futbol janköýerleri Lionel Messä ýerleşdirilen kameradan tomaşa edip bilerler.
Messiniň döşüne dakyljak kamera bilen duşuşygy göni ýaýlymda tomaşa etmek mümkinçiligini döretmek göz öňünde tutulýar.
“Player Spotlight” hökmünde atlandyrylan ýaýlym “Tiktok” platformasynda futbol janköýerleriň hyzmatyna hödürlener.