Golliwudda koronawirus barada filmiň surata düşüriljekdigi mälim edildi. Bu babatda degişli işler ýerine ýetirilip başlandy. Filmiň esasy mowzugy Hytaýyň Uhan şäheriniň lukmanlarynyň täze görnüşli koronawirus pandemiýasy döwründäki iş şertlerini açyp görkezmekden ybarat bolar. Filmiň ssenariýasynyň awtory Çarlz Rendolf bolar. Ol “Oskar” baýragynyň eýesi. Filmi surata düşürmek işi bilen “SK Global Entertainment” meşgullanýar.
Bu barada “The Wall Street Journal” neşiri habar berýär. Häzriki wagtda filmi surata düşürmek işleri Golliwudda alnyp barylýar. Hytaýdaky şekilleri 2021-nji ýylyň başlarynda surata düşürmek göz öňünde tutulýar. Filmiň haçan görkezilip başlanjakdygy barada maglumat berilmedi.