Eýran Yslam Respublikasynda prezident saýlawlarynyň ikinji tapgyry başlady. Ýurduň çägindäki ähli saýlaw uçastoklary ýerli wagt bilen 08:00-da açyldy. Saýlawlaryň deslapky netijeleri 6-njy iýulda günüň birinji ýarymynda yglan ediler.
Prezident saýlawlarynyň 2-nji tapgyrynda 69 ýaşyndaky ozalky saglygy goraýyş ministri Masud Pezeşkiýan we 58 ýaşyndaky konserwator Said Jalili bäsleşer.
Saýlawlaryň birinji tapgyry 28-nji iýunda geçirildi. Şonda Pezeşkiýan we Jalili degişlilikde 44 göterim we 40 göterim ses aldy.
Her iki dalaşgär ykdysady we durmuş ösüşi hem-de ýurduň durnukly ösüşini gazanmak barada tagalla etjekdiklerini mälim etdi. Pezeşkiýan ýurda daşary ýurt maýa goýumlaryny çekmek ugrunda iş alyp barjakdygyny belledi.