2025-nji ýylyň 25-nji iýulynda Ýaponiýanyň Osaka şäherinde “EKSPO-2025” Bütindünýä sergisiniň çäginde, Türkmenistanyň Milli pawilýonynda türkmen-ýapon işewürler maslahaty geçiriler. Bu möhüm çärä, Türkmenistanyň Söwda-senagat edarasynyň wekilleri, şeýle hem agzalarynyň birnäçesi gatnaşar.
Maslahatda iki ýurduň işewür toparlarynyň arasynda söwda-ykdysady hyzmatdaşlygy ösdürmek, täze işewürlik mümkinçiliklerini açmak we geljekki taslamalar boýunça özara pikir alyşylar. Şeýle-de, Türkmenistanyň eksport mümkinçilikleri, täze tehnologiýalar we hyzmatdaşlyk edilýän ugurlarda dürli kompaniýalaryň gatnaşyklaryny güýçlendirmek üçin mümkinçilikler ara alnyp maslahatlaşylar.
Bu forum, Türkmen-ýapon gatnaşyklaryny has-da pugtalandyrmak, özara bähbitli işewürlik hyzmatdaşlyklaryny ýola goýmak we serginiň çäklerinde iki ýurduň ykdysadyýeti üçin peýdaly täze başlangyçlary tapmak üçin möhüm ädim bolar.