22-nji sentýabrynda geçirilen Ministrler Kabinetiniň giňişleýin mejlisinde wise-premýer N.Amannepesow Saglygy goraýyş we derman senagaty, Bilim ministrlikleriniň hem-de Ylymlar akademiýasynyň bilelikde guramagynda «Gündogaryň meşhur akyldary we lukmany Abu Aly ibn Sinanyň umumadamzat ähmiýetli mirasy» atly halkara ylmy maslahatyny geçirmäge görülýän taýýarlyk barada hasabat berdi.
Türkmenistanyň Saglygy goraýyş we derman senagaty işgärleriniň gününe gabatlanyp, şu ýylyň 11-nji oktýabrynda meýilleşdirilýän utgaşykly görnüşdäki foruma ýurdumyzyň hünärmenleri bilen birlikde, daşary ýurtlaryň birnäçesinden alymlaryň, professorlaryň we mugallymlaryň gatnaşmagyna garaşylýar.
Bu ylmy maslahatyň halkara ylmy hyzmatdaşlygy pugtalandyrmakda, şeýle hem Abu Aly ibn Sinanyň köptaraply mirasyny, bitiren hyzmatlaryny açyp görkezmek babatynda ähmiýeti örän uly bolar.