Ýurdumyzyň ähli ulgamlarynda sanly ulgamy ornaşdyrmak bilen bagly degişli işler alnyp barylýar. Şeýle işleriň netijesinde, täze resmi web sahypalary yzygiderli açylýar. Ynha, ýurdumyzda ýene-de bir resmi web sahypa döredildi.
Ol hem Aşgabat şäher häkimliginiň resmi web saýtydyr. Oňa «ashgabathakimlik.gov.tm» salgysy bilen birikmek mümkindir. Resmi web saýt 5 bölümden ybarat bolup, olar «şäher, häkimlik, tölegler, habarlar, maglumat» diýip atlandyrylandyr.
Aşgabat şäher häkimliginiň resmi web saýtynda 3 dilde ýagny türkmen, rus hem-de iňlis dilinde maglumatlar ýerleşdirilendir. Saýtda ýurdumyzda bolup geçýän syýasy hem-de medeni habarlar, şeýle-de merjen şäherimiz Aşgabadyň ajaýyp suratlary, wideo rolikleri, hyzmatlar ýerleşdirilipdir.
Ýurdumyzyň gözel künjegine degişli fotosuratlary bu sahypadan tapyp bilersiňiz!
