9-njy maýda häzirki wagtda dünýäde iň baý adam hasaplanylýan millarder Jeff Bezos “Blue Origin” kompaniýasy bilen bilelikde işlenip düzülen taslama gol çekdi. Taslama Aýyň üstünde gonmaga niýetlenen kosmiki enjamdyr.
Hünärmenleriň ýokary bahasyna mynasyp bolan enjam “Blue Moon” diýlip atlandyrylýar. Ol isleg bildirýänlere älem giňligine özbaşdak çykmaga we Aýa üstünlikli gonmaga mümkinçilik berer.
“Ine-de, üç ýyllyk zähmetiň soňuna ýetdik. Indi bize Aýa syýahat etmäge wagt boldy” diýip, millarder taslamasy barada gürrüň berýär.
“Amazon” internet söwda torunyň eýesi Bezos häzir 55 ýaşynda. Şol bir wagtyň özünde ol “Blue Originiň” hem-de “The Washington Post” neşiriniň hem ýolbaşçysy. “Forbes” Žurnalynyň mart aýyndaky sanyna görä, ol häzir dünýäniň iň baý adamy. Onuň baýlygy 131 milliard dollara ýetýär.