2025-nji ýylyň 30-njy iýunynda Türkmenistanyň daşary işler ministri Raşid Meredow bilen Zambiýa Respublikasynyň Daşary işler we halkara hyzmatdaşlygy ministri Mulambo Haimbe arasynda telefon söhbetdeşligi boldy.
Telefon söhbetdeşliginde syýasy, diplomatik we söwda-ykdysady ugurlarda ikitaraplaýyn gatnaşyklaryň mundan beýläk-de ösdürilmegi barada pikir alyşyldy.
Taraplar halkara guramalarynyň, ilkinji nobatda BMG-niň çäklerinde ikitaraplaýyn hyzmatdaşlygy ara alyp maslahatlaşdylar.
Şu nukdaýnazardan, daşary syýasat edaralarynyň ýolbaşçylary BMG-niň deňze çykalgasy bolmadyk ösüp barýan döwletler boýunça 3-nji Maslahatyna (LLDC 3) taýýarlyk meselelerine garadylar.
Mälim bolşy ýaly, Zambiýa Respublikasy 2022-nji ýylyň 15-16-njy awgustynda geçirilen BMG-niň deňze çykalgasy bolmadyk ösüp barýan döwletler boýunça ulag ministrleriniň maslahatyna hem işjeň gatnaşdy.