Angliýadan we Fransiýadan soňra Germaniýanyň futbol boýunça milli çempionatynyň 2024-25-nji möwsüminiň çempiony belli boldy. “Bawariýa” topary 34-nji gezek ýurduň çempionlygy diýen adyň eýesi boldy.
Dynç güni çempionatda ikinji orunda barýan “Baýer” toparynyň myhmançylykda “Fraýburg” topary bilen 2:2 hasabynda deňme-deň oýnandan soňra “Bawariýanyň” çempionlygy belli boldy. Çempionatyň tamamlanmagyna 2 tapgyr galanda “Bawariýa” 76 utuk, “Baýer” bolsa 68 utuk jemledi.
Şeýlelikde, “Bawariýa” topary 1 ýyldan soňra çempionlygyny gaýdyp aldy. 34-nji gezke çempion bolan bu topar rekordyň hem eýesidir. Germaniýada 9 gezek “Nýurnberg” we 8 gezek “Borussiýa” topary çempion boldy.
“Bawariýa” toparynyň düzüminde çykyş edýän iňlis futbolçy Garri Keýn bolsa, özüniň professional futbol karýerasyndaky ilkinji kubogyny gazandy. 2023-nji ýylda Angliýanyň “Tottenhem” toparyndan “Bawariýa” geçen Keýn şu möwsümde 44 duşuşykda 36 gol geçirdi.