Türkmenistanyň Prezidentiniň gol çeken Kararlaryna laýyklykda, Türkmenistanyň Merkezi bankynyň ozalky başlygy Gadyrgeldi Müşşikow “Senagat” paýdarlar täjirçilik bankynyň müdiriýetiniň başlygy wezipesine saýlandy.
Bu barada gol çekilen resminamalar:
Türkmenistanyň Prezidentiniň Karary bilen, Täçmuhammet Ýazmuhammedowiç Täçmuhammedowy, başga işe geçmegi sebäpli, “Senagat” paýdarlar täjirçilik bankynyň müdiriýetiniň başlygy wezipesinden boşatmak hakynda bu bankyň paýdarlarynyň umumy ýygnagynyň 2022-nji ýylyň 6-njy aprelinde çykaran 1-nji karary tassyklanyldy.
* * *
Türkmenistanyň Prezidentiniň Karary bilen, Gadyrgeldi Müşşikowiç Müşşikowy “Senagat” paýdarlar täjirçilik bankynyň müdiriýetiniň başlygy wezipesine saýlamak hakynda bu bankyň paýdarlarynyň umumy ýygnagynyň 2022-nji ýylyň 6-njy aprelinde çykaran 2-nji karary tassyklanyldy.