Ylym-bilim ösüşleriň, rowaçlyklaryň gözbaşydyr

Berkarar döwletiň täze eýýamynyň Galkynyşy döwründe eziz Diýarymyz il-ýurt bähbitli özgertmeleriň, uly ösüşleriň aýdyň ýoly bilen belent maksatlara tarap ynamly öňe barýar. Hormatly Prezidentimiziň içeri we daşary syýasaty dünýä bileleşigi tarapyndan uly goldaw tapýar. Ýurdumyzda halkymyzyň abadan we bagtyýar durmuşy, ata Watanymyzyň durnukly ösüşi döwlet we jemgyýetçilik durmuşynyň ähli ugurlarynda giňden ýaýbaňlandyrylan özgertmeleriň, ykdysadyýetimizi senagat taýdan ösdürmäge gönükdirilen milli maksatnamalaryň üstünlikli amala aşyrylmagy netijesinde üpjün edilýär. Bitarap Türkmenistanyň döwlet syýasatynyň strategik ugry hökmünde bilim ulgamynyň hilini hem-de mazmunyny dünýä ölçeglerine laýyk derejede üpjün etmek maksady bilen giň möçberli özgertmeler amala aşyrylýar.

Ösen ýurtlaryň tejribesini nazara alyp, ýaş nesliň beden we ruhy taýdan sagdyn ösmegi, watançylygyň belent ruhunda terbiýelenilmegi, täze bilimleri özleşdirmegi bilen baglanyşykly döwlet derejesinde tutumly işler alnyp barylýar. Şu maksat bilen Garaşsyz, baky Bitarap Diýarymyzda döwrebap orta, orta hünär, ýokary okuw mekdeplerini gurmak, iň täze bilim usullaryny, maglumat tehnologiýalaryny özleşdirmek, jemgyýetimiziň aň-bilim derejesini hem-de döredijilik işjeňligini ýokarlandyrmak babatda ägirt uly tejribe toplanyldy. Şunuň bilen baglylykda iri halkara guramalary, belli bilim we ylmy-barlag merkezleri bilen bilelikde amala aşyrylýan maksatnamalardyr taslamalar ýurdumyzyň dünýädäki abraý-mertebesini we ornuny yzygiderli pugtalandyrýar.

Bilim ulgamyny döwrebaplaşdyrmak wezipesini ýerine ýetirmekde ýurdumyzyň halkara hyzmatdaşlygy işjeň häsiýete eýedir. Türkmenistan bilen Birleşen Milletler Guramasynyň bilelikde alyp barýan işleri häzirki wagtda has-da ýaýbaňlandyrylýar. Hormatly Prezidentimiz ýaşlarymyzyň halkara derejesinde bilim almaklary, ruhy taýdan kämil, berk bedenli, giň dünýägaraýyşly, hemmetaraplaýyn kämil bolmaklary hem-de eşretli durmuşda ýaşamaklary üçin ähli şertleri döredip berýär.

Döwletimiziň nurly geljegi kämil ýaşlaryň ýetişdirilmegine baglydyr. Halkymyzyň ruhy-ahlak gymmatlyklaryna belent sarpa goýýan, watansöýüji ýaşlar döwrümiziň hem, jemgyýetimiziň hem bezegidir. Şeýle bolansoň, täze taryhy eýýamda durmuşa geçirilýän beýik tutumlaryň düýp özeninde ýaşlaryň röwşen geljegi baradaky alada jemlenendir. Munuň özi ata-babalarymyzyň nesil terbiýesi bilen bagly durmuş ýörelgeleriniň ajaýyp zamanada täze many-mazmuna eýe bolýandygyny hem aýdyň görkezýär. Ýaşlary ynsanperwerligiň belent ruhunda terbiýelemek, halkyň taryhy-medeni geçmişine doly düşünýän, döwletiň bu günki ýeten belentliklerine guwanýan, Watana wepaly, ylym-bilimli nesilleri kemala getirmek bu ugurda durmuşa geçirilýän döwlet syýasatynyň özenini düzýär.

Ýurdumyzda ylymdyr bilimiň ösdürilmegi üçin ajaýyp şertler döredilýär, ulgamyň maddy-enjamlaýyn binýady berkidilýär hem döwrebaplaşdyrylýar. «Türkmenistanyň Prezidentiniň ýurdumyzy 2022 — 2028-nji ýyllarda durmuş-ykdysady taýdan ösdürmegiň Maksatnamasynda» hem ylym-bilimi ösdürmegiň esasy ugurlary we ýörelgeleri kesgitlenendir.

Döwlet Baştutanymyzyň parasatly baştutanlygynda ýurdumyzy durmuş-ykdysady taýdan ösdürmek boýunça hemmetaraplaýyn oýlanyşykly, ylmy taýdan esaslandyrylan döwlet syýasaty durmuşa geçirilýär. Öňde durýan belent wezipeleri amala aşyrmakda ýaş nesliň aň-düşünjesine, gujur-gaýratyna, yhlasly zähmetine daýanylýar. Bu bolsa olara uly ynam bildirilýändigini aňladýar.

Bi­lim öz­gert­me­le­ri­niň oňyn ne­ti­je­le­ri ýur­du­my­zyň öňe bar­ýan ýo­lun­da­ky esa­sy da­ýan­jy bo­lup dur­ýar. Yl­my esas­da uzak möh­let­le­ýin mak­sat­na­ma­lar we me­ýil­na­ma­lar bi­len bag­la­ny­şyk­ly tä­ze öz­gert­me­ler dur­mu­şy­my­zyň äh­li ugur­la­ry­na or­naş­dy­ryl­ýar. Bu ul­gam­da in­no­wa­si­ýa­la­ry we tä­ze teh­no­lo­gi­ýa­la­ry or­naş­dyr­mak üs­tün­lik­li al­nyp ba­ryl­ýar, dün­ýä tej­ri­be­si­niň, yl­myň tä­ze ga­za­nan­la­ry­nyň müm­kin­çi­lik­le­ri hem çuň­ňur öw­re­nil­ýär. Hä­zir­ki wagt­da okat­ma­gyň, bi­lim öw­ret­me­giň hi­li­ne aý­ra­tyn üns ber­lip, teh­no­lo­gi­ýa tä­ze­lik­le­ri, bu ugur­lar­da­ky oňyn tej­ri­be­ler mek­de­be çen­li ça­ga­lar eda­ra­la­ryn­da, or­ta mek­dep­ler­de giň­den or­naş­dy­ryl­ýar. «Türk­me­nis­tan­da umu­my­bi­lim mak­sat­na­ma­la­ry bo­ýun­ça okat­ma­gyň usu­ly­ýe­ti­ni kä­mil­leş­dir­me­giň 2028-nji ýy­la çen­li Kon­sep­si­ýa­sy­nyň» we­zi­pe­le­ri tap­gyr­ma-tap­gyr al­nyp ba­ryl­ýar. Yl­myň, bi­li­miň ga­za­nan­la­ry­nyň dur­mu­şa or­naş­dy­ryl­ma­gy ne­ti­je­sin­de, ýur­du­myz asyl­ly ýö­rel­ge­le­re eýe­rip, gel­jek­ki tä­ze üs­tün­lik­le­ri na­zar­la­ýar. Mer­da­na hal­ky­my­zyň dur­mu­şy­nyň äh­li ugur­la­ry ba­bat­da­ky oňyn öz­gert­me­ler — ne­sil ter­bi­ýe­si­niň döw­re­bap­laş­dy­ryl­ma­gy, ýaş­la­ryň ylym-bi­lim müm­kin­çi­lik­le­ri­niň art­dy­ryl­ma­gy döw­let sy­ýa­sa­ty­nyň ile­ri tu­tul­ýan ugur­la­ry bol­ma­gyn­da gal­ýar.

Hä­zir­ki dö­wür­de dur­muş çalt dep­gin­ler bi­len öz­ger­ýär, dün­ýä­niň bi­lim ul­ga­my in­no­wa­si­ýa ösüş­le­ri­ne eýe bol­ýar. Bi­lim ber­me­giň mag­lu­mat, elekt­ron okuw-usu­ly gur­luş­lar bi­len bag­ly dür­li-dür­li müm­kin­çi­lik­le­ri peý­da bol­ýar. Bi­lim ber­me­giň äh­li bas­gan­çak­la­ryn­da okat­ma­gyň mak­sat­na­ma­la­ry­ny ýo­ka­ry hil­li elekt­ron gö­te­ri­ji­dä­ki mag­lu­mat­lar (elekt­ron ki­tap­lar, elekt­ron se­mi­nar­lar we beý­le­ki­ler) hem-de de­giş­li usul­lar (uzak ara­lyk­dan bi­lim ber­mek we baş­ga­lar) esa­syn­da kä­mil­leş­dir­mek hä­zir­ki za­man bi­lim ul­ga­my­nyň öňün­dä­ki esa­sy we­zi­pe­ler bo­lup dur­ýar.

Ylym-bilim ösüşleriň, rowaçlyklaryň gözbaşydyr. Şonuň üçin Arkadagly Gahryman Serdarymyzyň taýsyz tagallalary netijesinde täze taryhy eýýamda ylym-bilim ulgamynyň yzygiderli kämilleşdirilmegine, ösdürilmegine aýratyn ähmiýet berilýär.

Çynar Patyşagulyýewa,

Aman Kekilow adyndaky Mugallymçylyk mekdebiniň direktorynyň orunbasary.